Жеке тұлғалардың банкроттығы

Жеке тұлғалардың банкроттығы 

Банкроттыққа тек борышкер ғана өтініш бере алады

1600 АЕК дейін қарыз болған кезде мүлік болғанда, борышкер сот банкроттығына өтініш береді

Мерзімін 5 жылға кешіктірген жағдайда, реттеу талап етілмейді

Банкроттық рәсімдерінің түрлері

1. Соттан тыс Банкроттық (жеңілдетілген нысан)
2. Сот Банкроттығы (сот шешімі бойынша)
3. Төлем қабілеттілігін қалпына келтіру (сот шешімі бойынша)

Соттан тыс банкроттық рәсімі

(ЕДБ, МКҰ және коллекторлар алдындағы қарыздар бойынша қолданылады)

ШАРТТАР:

1. Мүлік, оның ішінде ортақ меншіктегі мүлік жоқ
2. Мерзімі кешіктірілген берешекті банкпен реттеу.

      Берешекті реттеуді және (немесе) өндіріп алуды жүргізу шаралары, мерзімі кешіктірілген берешек туындаған кезден бастап он сегіз айдан аспайтын мерзімдерде жүргізілуі қажет.

3. Банкроттық 7 жыл бойы қолданылмады.
4. Несиегерлер алдындағы міндеттемелер бойынша мұндай өтініш берілген күні қатарынан он екі ай ішінде өтеу жағдайы жоқ.
5. Егер борышкер мемлекеттік атаулы әлеуметтік көмекті алушы болып табылса, өтініш берген күннің алдындағы алты ай ішінде өтініш беруге құқылы.

Сот банкроттығы рәсімі

ШАРТТАР:

1. Мерзімі кешіктірілген берешекті банкпен реттеу.

Берешекті реттеуді және (немесе) өндіріп алуды жүргізу шаралары, мерзімі кешіктірілген берешек туындаған кезден бастап он сегіз айдан аспайтын мерзімдерде жүргізілуі қажет.

2. Банкроттық 7 жыл бойы қолданылмады.
3. Несиегерлер алдындағы міндеттемелер бойынша мұндай өтініш берілген күні қатарынан он екі ай ішінде өтеу жағдайы жоқ.

Төлем қабілеттілігін қалпына келтіру рәсімі

1. Барлық міндеттемелерінің мөлшері өзіне тиесілі мүліктің құнынан аспайтын (оның ішінде орындау мерзімі басталмаған) борышкер сотқа төлем қабілеттілігін қалпына келтіру рәсімін қолдану туралы өтінішпен ғана жүгінуге құқылы
2. Төлем қабілеттілігін қалпына келтіру жоспары мерзімінен бұрын орындалуы мүмкін.
3. Төлем қабілеттілігін қалпына келтіру жоспары келесі құралдардың бірін немесе бірнешеуін қарастырады:

1) міндеттемені орындау мерзімін өзгерту (қарызды төлеуді кейінге қалдыру және (немесе) бөліп төлеу);

2) қарызды немесе оның бір бөлігін, оның ішінде тұрақсыздық айыбын (айыппұлдарды, өсімпұлдарды) кешіру;

3) қарызды пайдаланғаны үшін сыйақының пайыздық мөлшерлемесін төмендету;

4) қарыз шартын орындаудың жалпы мерзімін бір мезгілде ұлғайта отырып, тұрақты ағымдағы төлемдердің мөлшерін азайту;

5) міндеттемені орындау тәсілін өзгерту;

6) кепілзаттық несиегер қарыз шарты бойынша міндеттемелерді кешірген жағдайда, оған кепілге салынған затты беру арқылы кепілзаттық несиегердің талаптарын қанағаттандыру;

7) осы тармақта көзделмеген өзге де құралдар.

4. Төлем қабілеттілігін қалпына келтіру жоспары келесі шараларды қарастыруы мүмкін:

1) мүліктің бір бөлігін сату;

2) мүлікті мүліктік жалдауға (жалгерлікке) тапсыру;

3) дебиторлық берешекті өндіріп алу;

4) баспананы (автокөлікті) құны төмен баспанаға (автокөлікке) айырбастау;

5) баспананы (автокөлікті) сатып, құны төмен баспананы (автокөлікті) сатып алу;

6) борышкерді жұмысқа орналастыру;

7) Қазақстан Республикасының заңнамасына қарама-қайшы келмейтін өзге де шаралар.

5. Төлем қабілеттілігін қалпына келтіру жоспарының жобасы, талаптары несиегерлер талаптарының тізіліміне енгізілген несиегерлердің қарауына жіберіледі. Несиегерлер төлем қабілеттілігін қалпына келтіру жоспарының жобасын алған күннен бастап он жұмыс күні ішінде оған ұсыныстар мен ескертулер енгізеді.

5.1. Ұсыныстарды және (немесе) ескертулерді көрсетілген мерзімнен кейін енгізу несиегерде ұсыныстар мен ескертулердің болмауына теңестіріледі.

Соттан тыс және сот банкроттығының нәтижелері бойынша

Салдары

1. Банктерден және микроқаржы ұйымдарынан (ломбардтардан басқа) қарыз алуға 5 жылға тыйым салу
2. Қайталама банкроттық 7 жылдан кейін мүмкін болады
3. Банкроттықтан кейінгі 3 жыл бойы қаржылық жағдайды мониторингтеу

Қарыздар есептен шығарылмайды

1. Алимент төлеу бойынша
2. Өмірге немесе денсаулыққа келтірілген зиянды өтеу бойынша
3. Қылмыстық құқық бұзушылықтар бойынша келтірілген нұқсанды өтеу, сондай-ақ сот шешімі бойынша өндіріп алынатын бюджетке төленетін төлемдер.